Pesë ditë përpara përfundimit të fushatës elektorale, Basha shprehet i bindur se ne 25 qershor do të rrëzojë kryeministrin Rama. Lideri i opozitës tha se është koha që tepsia bashke me rilindjen te hidhen lumin e Osumit.
Basha është ndalur tek programi ekonomik që, sipas tij, sjell ulje taksash dhe rritje të mirëqenies. Më herët, nga Gjirokastra Basha nuk kurseu akuzat ndaj kryeministrit Edi Rama që, sipas tij, në katër vjet nuk mendoi për qytetarët.
Lideri i opozitës premtoi se në ditën e parë të punës së tij si kryeministër, do të anuloj kamatëvonesat në faturat e energjisë si dhe koncesionet abuzive.
