Gazetari Mentor Kikia, nga studioja e “Quo Vadis” në “Vizion Plus” gjykon se pavarësisht vendimit të Kuvendit Kombëtar të PD në 11 dhjetor për të shkarkuar Lulzim Bashën nga kreu i PD-së, ky i fundit nuk do të dalë nga zyra.
Sipas tij, mënyra e vetme është hyrja me forcë, siç ndodhi sot.
“Është një proces që do të vazhdojë. Nëse do të ketë patur ndokush në grupin e Berishës që menjëherë pas atij vendimi në datën 11, Basha do të marrë çantën dhe do të dalë nga zyra, është e gabuar. Basha nuk do të dalë nga zyra. Askush nga ata të tjerët nuk do të dalë nga zyra. As pas datës 18. Pas datës 18, Basha duhet të dalë jashtë, ose do të duhet të shkojnë t’i marrin zyrat. Të futen në atë mënyrë siç u futën sot. Aty do të përballen me forcat e policisë…Ka njerëz që janë në grupin e Bashës jo se shpresojnë tek ai, por nuk pranojnë faktin që të kenë si kryetar sërish Berishën, që PD të kthehet në pikën e parë. Këta grupime njerëzish nuk janë besnikë të liderit.”
