Lulzim Basha ka veshur kostumin tradicional të burrave të Gjirokastrës në turin e tij për të bindur qytetaret e kësaj zone të votojnë Partinë Demokratike.
LULZIM BASHA
KRYETAR I PD
“Të falenderoj shumë për dhuratën dhe në 25 prill do t’ju përgjigjemi me një qeverisje që mendon për ju.”
Basha ka takuar bizneset në zonën e qafës së pazarit të cilëve u ka premtuar mbështetjen për fuqizimin e turizmit në këtë qytet.
“Turizmi do të zhvillohet atëherë kur shteti të investojë, kur Gjirokastra të jetë pjesë e guidave turistike.”
Pjesë të guidës turistike në Gjirokastër Basha ka premtuar të bëjë edhe shtëpinë muze të Musine Kokalari.
“Ne duhet ta bëjmë me të vërtetë pjesë të intenerarit turistik, po kjo nuk bëhet me fjalë, kjo bëhet me investime, kjo bëhet me vepra. E gjithë shtëpia jonë e madhe vazhdon të vidhet edhe të grabitet edhe ditët e fundit, javët te fundit, japin koncesione, vjedhin me tendera bëjnë gjithçka për të grabitur deri ditën e fundit.”
Ashtu si në çdo qytet, edhe në Gjirokastër Basha shoqërohej nga dhjetëra qytetarë të cilët shpërfillën masat anticovid.
