Sekretari i Përgjithshëm i PD, Gazment Bardhi ju përgjigj kryeministrit Edi Rama, pas sulmeve të këtij të fundit në drejtim të opozitës. Duke komentuar daljen e sotme të shefit të qeverisë në Durrës për platformën “Deputeti që duam”, Bardhi tha se Rama vetëm mashtron. Sipas tij, vendi i duhur ku kryeministri duhet të kërkojë për deputetë është burgu.
“Asgjë e re nga Edi Rama. Me batuta të lodhura, sorollatet nëpër sheshet e plehrave me të njëjtin tekst mashtrimesh të shëmtuara. Një orë fjalim sot tek fusha e plerave, përsëriti të njëjtat gënjeshtra për PD, Lulzim Bashën, procesin e përzgjedhjes së kandidatëve për deputetë nga PD dhe për Opozitën e Bashkuar. Mjafton të dëgjosh Edi Ramën për të kuptuar se në 8 vite pushtet si Kryeministër nuk i ofroi asgjë shqiptarëve, asnjë ide, asnjë premtim i mbajtur, asnjë zhvillim. Nuk ka asnjë bilanc në qeverisje, përveç projekteve që në 2 mandate mbeten vetëm në 3D, ndërkohë që nuk ka më propagandë që fsheh krimin dhe korrupsionin e Qeverisë së Dështimit. Vetëm me fjalë, tallje, fyrje dhe mashtrime nuk zgjidhen dot hallet e shtuara të qytetarëve shqiptarë. U lodh kot deri tek plehrat, duke fyer dhe keqpërdorur socialistët e ndershëm, për gjoja përzgjedhjen 3D të kandidatëve për deputetë. E kishte më afër burgun, për të bërë atë që ka 8 vite që bën, përzgjedhjen e kandidatëve me krimin e organizuar 👇”
Këtë të premte kryeministri Edi Rama tha se nëse qytetarët i besojnë votën opozitës, atëherë procesi i rindërtimit ndërpritet.
