Kreu i grupit parlamentar të PS, Taulant Balla theksoi se Presidenti i ri të zgjidhet me më shumë se 3/5 të votave.
Në një prononcim për mediat, Ball u shpreh se synojnë të zgjedhin një President me konsensus të gjerë.
“Shpresoj që raundi i katërt të jetë dhe ai përfundimtari në zgjedhjen e Presidentit. Nesër do të kemi komunikim tjetër në mbledhjen e Konferencës së Kryetarëve. Pse të mos synojmë që të kemi një kandidaturë që të marrë më shumë se 3/5 të votave. Do të dëgjoni propozimin tim se kur do të mbahet raundi i katërt. Ne do të vazhdojmë të diskutojmë me grupet parlamentare për të siguruar mbështetje sa më të gjerë. Nuk është e thënë që Presidenti i Republikës edhe në raundin e katërt të zgjidhet me mbi 84 vota. Gatishmëria jonë është aty për të siguruar mbështetje sa më të gjerë për kandidatin apo kandidaten për President”, tha Balla.
