Një përmbysje e çmendur , Atletiko Madrid ja ka dalë të rikthehet tek fitorja, pasi mbrëmjen e të martës mundi 2-1 Getafen në një ndeshje realitivisht të vështirë .
Në minutat e para loja ishte e barabartë me të dyja skuadrat që kërkonin më shumë të mbroheshin se të sulmonin ndërsa tentativa e parë drejt portës erdhi në minutën e 35 me Suarez.
Në fundin e pjesës së parë, pas një krosimi në zonë, një devijim i lehtë nga Stefan Mitrovic bëri që topi të përfundonte në rrjetë dhe pjesa e parë të mbyllej me fitoren minimale të vendasve.
Fraksioni i dytë ishte më i gjallë për të dyja ekipet veçanërisht për Atletikon që bëri gjithçka për të gjetur golin e barazimit .
Megjithatë pas shumë përpjekjesh baraspesha u vendos vetëm në minutën e 78 me liderin e skuadrës, Luis Suarez.
Pas kësaj, madrilenët rritën edhe më shumë presionin dhe në minutën e fundit gjetën dhe golin e përmbysjes me të njëjtin protagonist. Uruguajani pas një krosi në zonë goditi me kokë dhe la në vend portierin kundërshtar. Kaq mjaftoi që Atletiko të rrëmbente kreun e klasifikimit me 14 pikë, 1 më shumë se Reali që ka një ndeshje më pak.
