‘Amnistia fiskale rrëzikon të kthehet në një lavatriçe e pastrimit të parave’, kështu u shpreh avokati Besnik Muçi.

Në lidhje direkte me studion e lajmeve në Vizion Plus, Muçi u shpreh se drafti që qeveria kërkon të miratojë është një amnisti penale dhe jo fiskale.

“BE është shprehur qartësisht që është kundër ammnistisë fiskale, mendim të cilin e ka shprehur edhe në 2020. Me këtë draft Shqipëria rrezikon të kthehet në një lavatriçe të pastrimit të parave e korrupsionit. Nuk kemi të bëjmë me një amnisti fiskale në fakt por është një amnisti e pastër penale.”

 

Më tej avokati u shpreh se nuk e kupton këmbënguljen e qeverisë për miratimin e këtij projektligji pasi Shqipëriarenditet në vendet me rrezik të lartë për pastrimin e parave.

 

 

“E kam të vështirë ta kuptoj këmbënguljen e qverisë sa kohë që Shqipqria rezulton vend më rrisk shumë të lartë për pastrimin e parave. Në këto kushtë në vend që qeveria të punonte për zbatimin e rekomandimit të komitetit të Moneyval e rezultateve konkrete ndërmerr hapin e kundërt. Pra nxit fenomenin e pastrimin e parave në vend. Unë mendoj që qeveria shqiptare nuk do ta kaloj këtë projektligj. Kthimi në ligj i këtij projekti sjell rrezikun e pastrimit të parave dhe moszbatimin e legjislacionit në fushën e taksave.”

Sipas avokatit kjo nismë e qeverisë është propagandë për heqjen e vëmendjes nga problemet e vërteta që ka vendi.

 

“Kjo është një propagandë për ta larguar vëmendjen nga problemet që Shqipëria ka sot. Ky draft është në kundërshtim të hapur me legjislacionin e brendshëm dhe akte të tjera ndërkombëtare.

Vetë ligji konstaton që ka problem shumë të rënda nga pikëpamja e formulimit e koncepteve, për shembull tre element të rëndësishëm:
1. ligji amniston pasurinë e shtetasve të huaj të cilët banojnë në Shqipëri me kusht që të kenë rezidencë në Shqipëri.
2. ligji pastron paratë e shtetasve shqiptare që jetojnë jashtë shqiptarë, kjo është një gafë.
3. në fund të procesit krijohet një institucion që do të japë certifikatën e manistisë, një institucion jogjyqësor jep certifikatë amnistie për persona.

 

Edhe në aspektin juridik e ekonomik ky ligj është i dëmshëm. Ky projektligj iu thot shqiptarëve shko punoni jashtë në çdo lloj aktiviteti sepse ajo shumë është e paimagjinueshme se sim und të fitohet në një punë të paligjshme.

 

Biznesi ka kërkuar një vit zero në ekonomi me qëllim legalizimin e evazionit të bërë gjatë këtyre viteve. Amnisti fiskale të mirfilltë do shumë kujdes në Shqipëri për shkak të dobësisë të institucioneve në vend. Bërja e një amnistie pa kufij është amnisti e pastër penale.

Leave a Reply

Your email address will not be published.