Gjykata e Tiranës lë në arrest me burg Rozina Kolecin, 38 vjeçaren, autoren e aksidentit tragjik të 8 korrikut në Kodër Kamzë, ku humben jetën 2 persona dhe u plagosën dy të tjerë.
Nga aksidenti humbën jetën një vajzë 7 vjeçare dhe një burrë me biçikletë gjetën vdekjen e menjëhershme ndërsa mbetën të plagosur nëna e vajzës dhe motra e saj 6 vjeçar.
Ngjarja ka ndodhur te shinat e trenit, ku shtetasja Rozina Koleci, 38 vjeçe që drejtonte makinën me targë AA071UA, fillimisht përplasi për vdekje shtetasin Ramazan Ishni, i cili ishte duke drejtuar bicikletën ne momentin e aksidentit.
Më pas ka përplasur edhe nënën, Valbona Ndreu, 29 vjeçe me dy vajzat e saj që po kalonin në anën tjetër të rrugës. Makina është përplasur më pas dhe me një furgon të bardhë.
E mitura me iniciale E.N, 7 vjeçe nuk mundi t`i mbijetojë plagëve të marra dhe humbi jetën në vendngjarje ndërsa e ëma, Valbona Ndreu dhe vajza tjetër e saj me iniciale E.N 6 vjeç u dërguan me urgjencë në Spitalin e Traumës.
