Kryedemokrati Sali Berisha gjatë takimit me drejtuesit politik këtë të mërkurë tha se protesta në datën 16 Maj, ditën e premte, do iu tregojë ndërkombëtarëve se në Shqipëri nuk respektohen as rregullat e as parimet e votës së lirë.
Ai u shpreh se kohëra që vijnë janë kohëra përcaktuese në rrafshin kombëtar dhe ndërkombëtar për mbrojtjen e votës së shqiptarëve.
“Në datën 16 fillon protesta për një sensibilizim të udhëheqësve evropianë që vijnë në Shqipëri, se ndodhen në një narkoshtet që nuk respekton asnjë rregull, asnjë parim të votës së lirë. Këtë se themi ne, këtë e thonë 4 rezoluta ndërkombëtare të partive që udhëheqin botën. Deklaratat paraprake nuk mund të na dekurajojnë ne që shqiptarët të votojnë të lirë, por me Edi Ramën nuk ka votë të lirë. Këto kohëra që vijnë janë kohëra përcaktuese në rrafshin kombëtar dhe ndërkombëtar për mbrojtjen e votës së shqiptarëve”, tha Berisha.
/vizionplus.tv
