Parashikimi tronditës i Këlliçit në Quo Vadis: Në 2-3 vitet e ardhshme do të ketë një provokim në një nga vendet baltike

Klejdi Këlliçi, pedagog i shkencave politik bëri një parashikim tronditës.

I ftuar në Quo Vadis në Vizion Plus nën moderimin e Pranvera Borakajt, pedagogu  deklaroi se në 2-3 vitet e ardhshme do të ketë një provokim në një nga vendet baltike.

Lexo edhe :

Related Posts

Pedagogu Këlliçi: Ukraina e varur nga SHBA në luftën me Rusinë, Zelensky i vendosur nën presion

Këlliçi theksoi se frika nuk është se do të shkatërrohet NATO, por se vendet e Evropës nuk janë të përgatitura.

Ai renditi Poloninë dhe 3 vendet baltike si shtetet që kanë shpenzimet më të larta ushtarake.

Këlliçi: Rreziku më i madh pas Ukrainës janë vendet baltike. Parashikohet që në 2-3 vitet e ardhshme të ketë një provokim në një nga vendet baltike. Janë 4 vende që kanë shpenzimet më të larta ushtarake, Polonia dhe 3 vendet baltike. Në rast se SHBA tërheqin trupat nga vendet baltike, atëherë çfarë do të mund të ndodhë? Kjo është frika më e madhe. Frika nuk është se do të shkatërrohet NATO, por se vendet e Evropës nuk janë të përgatitura. Vendet evropiane funksionojnë shumë mirë në nivel organizativ. Problemi më i madh është që vendet evropiane i kanë deleguar SHBA-së mbrojtjen, transportin dhe inteligjencën. Të gjitha këto investime, që u tha se vendet evropiane po bëjnë, do të duan diku te 10 vite. Për shumë vende evropiane, NATO ka marrë fund.

/vizionplus.tv