Fundosja e jahtit në Itali, roja bregdetare: Të zhdukurit mund të jenë të bllokuar brenda mjetit lundrues

Roja bregdetare italiane ka dhënë më shumë detaje për fundosjen e jahtit luksoz  që u mbyt në brigjet e Siçilisë në orët e para të mëngjesit të së hënës.

Ai thotë se personat ende të zhdukur nga Bayesian mund të jenë të bllokuar brenda anijes së fundosur. Zëdhënësi Vincenzo Zagarola tha se ata mund të mos kenë pasur kohë të zbresin nga anija pasi ajo u fundos shumë shpejt. Një zëdhënës i brigadës italiane të zjarrfikësve tha se zhytësit po kërkonin mënyra alternative për të hyrë brenda anijes pasi mobiljet  bllokonin hyrjen në kabina.

Lexo edhe :

Related Posts

"Bill Gates i Britanisë", manjati Mike Lynch mes të zhdukurve pas fundosjes së jahtit në Siçili

Fundosja e jahtit në Itali, e mbijetura rrëfen tmerrin: Dëgjoja vetëm të bërtitura, për pak humba fëmijën tim në det

Fundosja e jahtit në Palermo, gjenden dy trupa të tjerë, shkon në tre numri i viktimave

 Çfarë ka ndodhur?

Për shkak të motit të keq që goditi zonën e Palermos, një jaht luksoz rreth 50 metra u mbyt rreth orës 5 të mëngjesit në shtrirjen e detit përballë Porticello në provincën e Palermos. Mjeti lundrues mbante një flamur britanik ndërsa në bord ndodhesin në total 22 persona, 10 anëtarë të ekuipazhit dhe 12 pasagjerë. Mes tyre amerikanë kanadezë dhe të tjerë.

15 u shpëtuan nga patrullat e rojes bregdetare dhe zjarrfikësit, 4 rezultojnë ende të zhdukur, ndërsa janë raportuar edhe viktima.

Sipas mediave të huaja katër personat e mbetur që janë ende të zhdukur janë:

– Manjati britanik i teknologjisë Mike Lynch ,

– vajza 18-vjeçare e Lynch, Hannah Lynch,

– Jonathan Bloomer , kryetar i Morgan Stanley Bank International,

–  Judy Bloomer , gruaja e Jonathan Bloomer.

Kërkimi për të zhdukurit është duke u zhvilluar . Trupi i njërit prej tyre u identifikua pranë varkës. Ndërkohë, mes pasagjerëve të shpëtuar është edhe një vajzë e vogël dhe nëna e saj që ndodhen në spitalin e fëmijëve në Palermo. Babai është dërguar në spitalin Qytetar ndërsa 5 persona të tjerë ndodhen në pikën e urgjencës territoriale të Bagherias. Në zonën ku ndodhi aksidenti u dërguan disa helikopterë. Për të vazhduar kërkimet ka mbërritur edhe helikopteri i zjarrfikësve që u largua nga Katania. Hetimet për aksidentin po kryhen nga Autoriteti Portual. /vizionplus.tv

❌ #Porticello #Palermo, riprese alle 8 di #oggi le immersioni dei #sommozzatori speleo dei #vigilidelfuoco per le ricerche dei 6 dispersi. Complesso l’ingresso nello yacht, in atto la pianificazione per aprire accessi più agevoli e ispezionare l’interno [#20agosto 11:00] pic.twitter.com/QRTdGtO8r2

— Vigili del Fuoco (@vigilidelfuoco) August 20, 2024