Arrestohet Ilir Beqaj, ish-ministri i Shëndetësisë dyshohet për korrupsion kur ishte drejtor i SASPAC

Në orët e para të mëngjesit të sotëm, Ilir Beqajt, ish- ministrit të shëndetësisë, iu vunë prangat me urdhër të SPAK.

Nën dyshimet se ka kryer korrupsion gjatë kohës kur ishte drejtor i Agjencisë Shtetërore të Programimit Strategjik dhe Koordinimit të Ndihmës, SASPAC, arrestimi i tij është firmosur nga gjykata e posacme.

Lexo edhe :

Related Posts

Koncesioni i sterilizimit, SPAK i komunikon zyrtarisht akuzën Ilir Beqajt

Masa e sigurisë për Ilir Beqajn, vokatët kërkojnë kohë, seanca shtyhet për të shtunën

SPAK mbyll hetimet për “Sterilizimin”, çon për gjykim Ilir Beqajn, të akuzuarit rritën kostot e ilaçeve dhe numrin e operacioneve

VIDEO/ I shoqëruar nga efektivët, momenti kur Ilir Beqaj mbërrin në Policinë e Tiranës

Burimet thanë se bashkë me të, në pranga ra edhe Alfred Nikolli si dhe krahu i tij djathtë, Ermal Kurtulaj, koordinator i një projekti me fondet e BE-së.

Në total SPAK ka lëshuar 5 urdhërarreste.

Dosja hetimore ndaj ish-ministrit të Shëndetësisë Ilir Beqaj nxori në dritë një skemë vjedhjeje përmes lëshimit të faturave fiktive për të përfituar miliona lekë. Po ashtu edhe skemat e korrupsionit për kompanitë që merrnin fonde nga Agjencia Strategjike për Menaxhimin e Fondeve.

Një nga rastet e përmendura në dosje është ai me restorantin luksoz GZONA, që “de facto” thotë SPAK kishte për pronar Ermal Kurtulaj, por përfitues fundor rezulton të ketë qenë ish- ministri Ilir Beqaj.

SASPAC drejtohej nga Ilir Beqaj nga viti 2022 deri në fund të nëntorit 2023. Ish ministri i Shëndetësisë po hetohet gjithashtu edhe për dosjen e sterilizimit, per të cilën ai ndodhet në masën e sigurisë detyrim paraqitjeje. /vizionplus.tv