Dështon raundi i parë për zgjedhjen e kreut të ri të Gjykatës Kushtetuese.
Në garë për këtë post janë Fiona Papajorgji, Marjana Semini dhe Holta Zaçaj.
Në njofim thuhet se asnjë prej tre kandidateve nuk mori 5 vota, që është minimumi ligjor për të shpallur fituesen.
Raundi i dytë do të mbahet në datën 17 shkurt në orën 10:00.
Sot, më 15 shkurt 2023, Mbledhja e Gjyqtarëve të Gjykatës Kushtetuese, në zbatim të parashikimeve ligjore, zhvilloi seancën për zgjedhjen e Kryetarit të ri të Gjykatës Kushtetuese.
Pas prezantimit të platformave dhe vizioneve të kandidateve, Fiona Papajorgji, Marjana Semini dhe Holta Zaçaj u vijua më tej me raundin e parë të votimit. Në përfundim të këtij procesi asnjë nga kandidatet nuk mori shumicën ligjore prej të paktën 5 votash.
Mbledhja e Gjyqtarëve të Gjykatës Kushtetuese ka vendosur të zhvillojë raundin e dytë të votimit në datën 17 shkurt 2023, ora 10:00.
