Gert Bogdani është emri i radhës që i shtohet listës së primareve për Bashkinë e Tiranës në Partinë Demokratike.
Pas Belind Këlliçit, Gert Bogdani do të dalë mesditën e sotme në një deklaratë ër media nga selia blu ku do të prezantojë kandidaturën për në primare.
Gara për primare do të vijojë të mbetet edhe për pak kohë e hapur dhe më pas, do të jenë anëtarët e PD ata të cilët do të vendosin se kush do të jetë emri që do të garojë përballë kryebashkiakut aktual Erion Veliaj, për bashkinë më të madhe të vendit, atë të Tiranës.
Një tjetër emër që ka shprehur interes për të kaluar procesin e primareve, është edhe mjeku Ilir Alimehmeti.
Në ditët në vijim, pritet të shihet nëse do të ketë të tjerë emra që do të shfaqin interes, apo jo.
