Shërbimi për Çështjet e Brendshme dhe Ankesave ka nisur procedim penal për 7 punonjës të Komisariatit numër 1 në Tiranë.
Hetimi i SHÇBA nisi pas arratisjes së Riljon Lalës nga ky komisariat pasi u nxorr për marrjen e shenjave të gishtave.
30 vjeçari është arrestuar para 3 ditësh në zonën e “Ali Demit” pasi është kapur duke lëvizur me armë zjarri.
I riu pasi do të jepte shenjat e gishtave do të dërgohej në Gjykatën Penale të Tiranës, ku do të njihej me masën e sigurisë. Lala ishte pa pranga, ndërsa ruhej nga policët.
Sipas infromacioneve zyrtare, dyshohet se efketivët kanë shkelur procedurat standarde të punës se shoqërimit të të arrestuarve.
Gjithashtu mësohet se dosja ka kaluar në Prokurori ku të 7 efektivët akuzohet për shpërdorim detyre ku po hetohen në gjendje të lirë.
Nga ana tjetër, Gjykata Penale e Tiranës ka caktuar masën “arrest me burg” në mungesë për 30 vjeçarin, i cili ishte arrestuar ditën e shtunë.
