Dy ditë pasi Gjykata vendosi gazetën nën kontrollin shtetëror, “Zaman” hapet me një titull pro qeveritar “një gëzim historik për urën”, duke njoftuar inaugurimin e pjesë së tretë dhe të fundit të saj përreth Bosforit. Gazetarët e “Zaman”, të cilët u nxorën me dhunë nga policia, nuk janë lejuar të kenë më akses në serverat e kësaj gazete. Në reagimet e tyre në rrjete sociale, ata shkruajnë se në më pak se 48 orë, administratori i ri e ktheu “Zaman” një një media të propagandës së regjimit turk. Ndërkohë, një pjesë e këtij stafi kanë hapur një tjetër gazetë me emirin “Shiko drejt të nesërmes”. Nuk dihet ku është printuar kjo e përditshme, e cila në numrin e parë të saj u hapë me titullin “Ujë me presion, gazi lotsjellës dhe plumbat e gomës nuk mjaftojnë: hidheni jashtë”, duke iu referuar urdhrit policor për nxjerrjen e gazetarëve gjatë protestës së të shtunës së të paktën 500 tubuesve. Ndërkohë kryeministri Duatoglu theksoi se ky nuk ka qenë një sulm politik, por më tepër një çështje ligjore dhe ne nuk preferojmë të hyjmë në këtë çështje. Liria e medias në Turqi është në ditët e saj më të errëta. Ky shtet renditet në vendin e 149 nga 180 shtete në raportin e “Reporterëve pa kufi”. Ndërsa organizatat flasin për dhjetëra gazetarë të burgosur në vend.
