Presidenti amerikan Donald Trump mbajti të martën në mbrëmje në Kapitol fjalimin e tij të parë për Gjendjen e Kombit gjatë mandatit të dytë. Fjalimi zgjati rreth 1 orë e 47 minuta, duke thyer rekordin e mëparshëm që ai vetë kishte vendosur një vit më parë në Kongres.
Kreu i Shtëpisë së Bardhë e cilësoi Iranin si shtet që mbështet terrorizmin.
“Vetëm gjatë dy muajve të fundit me protestat, ata kanë vrarë të paktën, duket se janë 32,000 protestues, 32,000 protestues në vendin e tyre. Por këta janë njerëz të tmerrshëm. Ata kanë zhvilluar tashmë raketa që mund të kërcënojnë Evropën dhe bazat tona jashtë shtetit dhe po punojnë për të ndërtuar raketa që së shpejti do të arrijnë në Shtetet e Bashkuara të Amerikës.Tani po negociojmë, ata duan një marrëveshje, por nuk do të kenë kurrë një armë bërthamore”, tha Trump.
Ai foli në lidhje edhe me ndaljen e luftës në Ukrainë.
“Po punojmë shumë për t’i dhënë fund luftës së nëntë, vrasjeve dhe masakrave midis Rusisë dhe Ukrainës, ku vdesin 25,000 ushtarë çdo muaj. Mendoni për këtë, 25,000 ushtarë vdesin çdo muaj , një luftë që nuk do të kishte ndodhur kurrë nëse unë do të isha president, nuk do të kishte ndodhur kurrë”, u shpreh Trump.
Trump kritikoi gjykatën supreme për vendimin në lidhje me tarifat.
“Ne vazhdojmë të ecim përpara në rrugën e duhur: pavarësisht këtij vendimi zhgënjyes, këto tarifa që ruajnë paqen do të mbeten në fuqi. Ato janë testuar prej kohësh; nuk do të jetë e nevojshme asnjë veprim i Kongresit. Tarifat do të heqin një barrë të madhe financiare nga njerëzit që dua”
Një pikë ku presidenti I Shteteve të Bashkuara u fokusua ishte edhe emigracioni I paligjshëm.
“Pas katër vitesh, gjatë të cilave miliona e miliona emigrantë të paligjshëm kaluan kufijtë tanë krejtësisht të paverifikuar dhe të pakontrolluar, tani kemi kufirin më të fortë dhe më të sigurt në historinë amerikane deri më tani. Në nëntë muajt e fundit, asnjë emigrantë i paligjshëm nuk është pranuar në Shtetet e Bashkuara. Por ne gjithmonë do t’i lejojmë njerëzit të hyjnë ligjërisht, njerëz që do ta duan vendin tonë dhe do të punojnë shumë për ta ruajtur atë”, shtoi presidenti i SHBA.
Por fjalimi i presidentit Donald Trump në Kongres u shoqërua me tensione, Kongresmenia demokrate, Ilhan Omar e cila përfaqëson shtetin e Minesotës e akuzoi atë për vrasjen e dy shtetasve amerikanë gjatë masave të ashpra anti emigracion./vizionplus.tv
