Rruga Qukës–Qafë Plloçë i është rikthyer qarkullimit normal të mjeteve pas 11 ditësh bllokim, të shkaktuar nga shembje masive të shkëmbinjve dhe dherave në një segment të këtij aksi kombëtar.
Aktualisht, firma kontraktuese që ka zbatuar projektin e Lotit të Tretë vijon punimet në disa segmente të veçanta të rrugës, me qëllim rritjen maksimale të sigurisë së skarpateve në të dy anët e aksit, veçanërisht në zonat problematike ku ekziston rrezik për rrëshqitje.
Në segmentet ku punimet janë ende në proces, kompania u bën thirrje drejtuesve të mjeteve të tregojnë kujdes të shtuar gjatë qarkullimit, duke respektuar sinjalistikën rrugore dhe udhëzimet e punonjësve në terren.
/vizionplus.tv
