5 qytetarë të infektuar me COVID ndërruan jetë gjatë 24 orëve të fundit, ndërsa u identifikuan 123 raste të reja, nga 857 testime të kryera. Nuk e kanë fituar betejën me virusin një 56-vjeçar nga Cerriku, një 80-vjeçar nga Kurbini, një 82-vjeçar nga Elbasani dhe 2 qytetare nga Tirana: një 68 vjeçare dhe një 77 vjeçare.
Në spitalin Infektiv dhe “Shefqet Ndroqi” po trajtohen 190 pacientë të konfirmuar pozitivë me COVID-19, 18 në terapi intensive, nga të cilët 8 pacientë janë të intubuar.
“Shpërndarja gjeografike e rasteve pozitive ditore është si vijon: 40 raste në Tiranë, nga 11 raste Durrës, Korçë, nga 8 raste Shkodër, Kavajë, 7 në Fier, nga 6 raste Elbasan, Has, 5 në Berat, nga 4 raste Pogradec, Sarandë, 3 në Kukës, nga 2 raste Lezhë, Malësi e Madhe, nga 1 rast në Krujë, Lushnje, Vlorë, Bulqizë, Shijak, Skrapar.”
Gjithashtu në dy spitalet COVID janë duke marrë shërbim të specializuar 20 qytetarë “të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.”
Shpërndarja gjeografike e rasteve aktive sipas qarqeve:
Tiranë 2066
Durrës 452
Shkodër 293
Lezhë 196
Korçë 135
Kukës 129
Elbasan 127
Vlorë 121
Fier 114
Berat 73
Dibër 39
Gjirokastër 34