Të gjithë drejtuesit e automjeteve që ndalohen në gjendje të dehur, rrezikojnë gjobë deri në 40 mijë lekë të rinj si dhe heqje të patentës deri në 2 vjet.
Ndërsa gjobat për përdorimin e celularit në timon rriten nga 1500 lekë që ishte shkon në 15 mijë lekë, ose dhjetë herë më shumë.
Por kur shkelja përsëritet 3 herë brenda vitit, vlera e gjobës dyfishohet, që do të thotë se arrin deri në 30 mijë lekë.
Këto janë disa nga propozimet krysore që u prezantuan sot nga drejtori i Përgjithshëm i Policisë së Shtetit, Ardi Veliu në kuadër të ndryshime të Kodit Rrugor.
ARDI VELIU
DREJTOR I PERGJITHSHEM I POLICISE SE SHTETIT
“ Gjobat janë të ndryshme nëse mban telefonin në dorë, flet me cellular apo shkruam një mesazh”.
Ministri i Brendshëm, Sandër Lleshaj, u shpreh optimist duke thënë se gjatë dekadës së fundit, Shqipëria ka arritur të ulë vdekjet nga aksidentet rrugore me 40%.
E pranishme në këtë aktivitet ishte edhe ministrja e Infrastrukturës Belinda Balluku, e cila deklaroi masat e pasagjerëve në transportin rrugor duhet të vijë në nivelin e atij ajror.
