Komisioni Shtetëror i Zgjedhjeve ka regjistruar kandidatët e Partisë Socialiste, Partisë Demokratike si dhe koalicionit “Shtëpia e Lirisë” për zgjedhjet e pjesshme vendore.
Në mbledhjen e sotme, nuk është hasur asnjë problematikë lidhur me asnjë prej kandidatëve.
Partia Socialiste:
KQZ regjistron Majlinda Angonin kandidate e PS në Shkodër
KQZ regjistron Eriselda Sefa kandidaten e PS për Lushnjen
KQZ regjistron kandidaten e PS Durrës Emiriana Sako
Koalicioni “Shtëpia e Lirisë”:
KQZ regjistron kandidatin e “Shtëpia e Lirisë” Durrës, Ardian Muka
KQZ regjistron kandidatin e “Shtëpia e Lirisë” Lushnje, Elton Bano
KQZ regjistron kandidatin e “Shtëpia e Lirisë” në Shkodër, Bardh Spahian
Partia Demokratike:
KQZ regjistron kandidatin e PD-së Lushnje, Indrit Sefa
KQZ regjistron kandidatin e PD-së Shkodër, Xhemal Bushati
Gjatë mbledhjes pasditen e sotme, kandidati i Berishës në koalicionin “Shtëpia e Lirisë”, Elton Bano ka hapur një debat mes përfaqësuesit të PD-së dhe zyrtarit të KQZ-së.
Kjo për shkak se në formularin e vetëdeklarimin të kandidatit të “Shtëpisë së Lirisë” për Lushnjen Elton Bano, rezulton se ky i fundit ka ndryshuar datëlindjen dhe vendlindjen.
Sipas KQZ-së, Bano ka deklaruar në formular se ka ndryshuar datëlindjen nga 24.01.1981 në 24.07.1978 dhe vendlindjen nga Prishtinë, Kosovë në Lushnje. Rasti i tij ka sjellë diskutime në KQZ ku përfaqësuesi ligjor i PD Marash Logu e ka quajtur rast të dyshimtë dhe ka theksuar se duhej të pritej përgjigja e Drejtorisë së Gjendjes Civile.