Vizita në Rozhajë duket se i ka lënë presidentit Ilir Meta mbresat më të thella.
Në një psotim në “Facebook”, Meta shprehet i lumtur mbi vizitën dhe takimet e zhvilluara me shqiptarët e atjeshëm, duke theksuar se bukuritë përallore të zonës së Rozhajës dhe dashuria e banorëve për trevat do t’i japin më shumë kuptim ëndrrave të fëmijëve të kësaj zone.
“Kthehem nga Rozhaja me mbresat më të thella dhe jashtëzakonisht i lumtur pas takimeve me shqiptarët atje. Bukuritë përrallore të kësaj zone dhe dashuria e banorëve për trevat ku kanë lindur të parët e tyre, për gjuhën dhe Flamurin Kombëtar, besoj do t’i japin në të ardhmen edhe më shumë kuptim ëndrrave të Jeta dhe Elbenita Dacit, e fëmijëve të tjerë të Rozhajës. Të gjithë ne duhet të jetojmë me vështirësitë e realizimit të ëndrrave të këtyre fëmijëve, dhe të gjithë fëmijëve shqiptarë kudo ndodhen.”
