VIDEO/ Shpërthim i fuqishëm në një xhami në Pakistan, 15 viktima dhe dhjetëra të plagosur
Një shpërthim i fuqishëm ndodhi në një xhami në pjesën juglindore të Islamabadit, duke vënë në alarm autoritetet e sigurisë në Pakistan.
Sipas informacioneve paraprake, shpërthimi ndodhi në xhaminë Khudijat-ul-Kubra në zonën Tarlai, në momentin kur besimtarët ishin mbledhur për faljen e namazit të së premtes.
Al Jazeera raporton për të paktën 15 viktima dhe rreth 80 të plagosur, ndërsa autoritetet shprehin frikën se numri i viktimave mund të rritet.
An explosion occurred at Imam Bargah Khadijat-ul-Kubra in the Tarlai area of Islamabad. Police and rescue teams reached the site immediately after the incident. Emergency has been imposed across the city. Authorities are investigating the incident.Further details are awaited 1️⃣ pic.twitter.com/ydwKvOhjzi
— Jawad Yousafzai (@JawadYousufxai) February 6, 2026
“Shumë persona janë transportuar në spitale. Nuk mund të konfirmoj aktualisht numrin e saktë të të vdekurve, por po, ka viktima,” deklaroi për agjencinë Reuters oficeri i policisë lokale, Zafar Iqbal.
Në vendngjarje mbërritën menjëherë ekipet e emergjencës dhe forcat e sigurisë, të cilat izoluan zonën dhe nisën operacionet për evakuimin e të plagosurve.
Ky incident rikthen në kujtesë sulmin e përgjakshëm të nëntorit të vitit të kaluar, kur një persom hodhi veten në erë pranë hyrjes së Kompleksit Gjyqësor të rrethit të Islamabadit, duke shkaktuar vdekjen e të paktën 12 personave dhe plagosjen e dhjetëra të tjerëve.
Autoritetet kanë nisur hetimet për të zbardhur shkaqet dhe autorët e sulmit.
