Seanca e sotme plenare, ashtu siç pritej ka nisur me incidente.
Fillimisht kanë qenë disa deputetë te opozitës, ata të cilët kane tentuar të hyjnë në mjediset e brendshme te kuvendit, ndonëse janë të përjashtuar për 10 ditë.
Në nisje të fjalës së kryeparlamentares Lindita Nikolla, në sallë është ndërprerë energjia elektrike.
Transmetimi live në Kuvend u ndërpre, ndërsa kanë qenë deputetët e pranishëm në seancë ata të cilët kanë “ndriçuar” ambientin me blicat e telefonave.
Sipas Kuvendit, seanca u ndërpre pasi u dogj pajisja UPS, e cila shërben për balancimin e energjisë në sallën e seancave plenare.
Duke marrë shkas nga kjo ndodhi, kryeparlamentarja ka ndërprerë seancën per disa minuta, deri në rikthimin e energjisë elektrike.