Presidenti Ilir Meta ka pritur këtë të premte në një vizitë në Presidencë këngëtarin e njohur italian, Albano Carrisi.
Kreu i shtetit ka publikuar në “Facebook” një video nga pritja që i bën këngëtarit Carris, teksa shkruan se me zërin dhe muzikën e tij ai frymëzoi shqiptarët në fund të viteve ‘80 për liri, demokraci dhe shpresë.
Postimi:
Shumë i lumtur nga vizita e këngëtarit italian me famë botërore, Albano Carrisi.
Me zërin dhe muzikën e tij Al Bano frymëzoi shqiptarët në fund të viteve ’80 për liri, demokraci dhe shpresë, ndaj nuk mund të mos këndonim së bashku, edhe me shumë miq të tjerë artistë, hitin e tij “Liberta”, që jehon aq fuqishëm sa tre dekada më parë në zemrat tona.
Albania – Al Bano do të mbeten gjithmonë të pandarë
