LSI e ka cilësuar si një akt kriminal ndryshimin e ligjit të vettingut në polici.
Në një deklaratë për mediat, ish-deputetja Silva Caka deklaroi se kryeminsitrit Rama dhe ministrit Sandër Lleshaj I duhet një polici e frikësuar që bie pre e dëshirave të errta të pushtetarëve dhe kriminelëve.
“Heqja e afatit kohor dy vjeçar të kryerjes së procesit të Vetting-ut të Policisë, nuk bën gjë tjetër veçse shton ankthin e punonjësve të Policisë dhe rrjedhimisht i bën ata më vulnerabël ndaj urdhrave të paligjshëm. Kjo është pikërisht ajo që i duhet Edi Ramës dhe Sandër Lleshajt, një Polici e frikësuar, një Polici e tensionuar, e cila nga frika e moskalimit të Vetting-ut, bie pre e dëshirave të errëta të pushtetarëve dhe kriminelëve. Prandaj, i ftoj të gjithë punonjësit e Policisë së Shtetit, të denoncojnë çdo moment paligjshmërie, presioni dhe tensioni gjatë procesit vetjak të Vetting-ut.”
