Vetëdorëzohet në polici vrasësi i Fatmir Pulës

Dy javë pas vrasjes së 45-vjeçarit Fatmir Pula në fshatin Zezë të Krujës, njëri nga autorët e krimit është vetëdorëzuar në policinë e Duruesit. 26-vjeçari Elton Ceka është personi që sipas hetimeve te deritanishme, rezulton te ketë kryer ekzekutimin. Ceka akuzohet për vrasje në bashkëpunim të Fatmir Pulës, të cilin kishin si qëllim ta grabisnin bashke me disa persona te tjere. Për Cekën, Gjykata e Krujës ka caktuar masën e sigurisë “arrest me burg”, “vjedhje me pasojë vdekjen, e kryer në bashkëpunim” dhe “prodhim dhe mbajtje pa leje e armëve luftarake dhe e municionit”. Një ditë pas vrasjes, policia arrestoi Admir Haken, i dënuar më parë për armëmbajtje pa leje, si dhe pjesëmarrësit e tjerë ne ngjarje: Herton Haka, Aleksandër Haka, Hekuran Boci dhe Olti Metuku.