Vdekja e Nexhmije Hoxhës/ Mesazhi i të birit: Ia kushtoi jetën lirisë së Shqipërisë

Pas ndarjes nga jeta në moshën 99-vjeçare të Nexhmije Hoxhës, djali i saj, Ilir Hoxha njoftoi se varrimi do të mbahet të enjten në orën 12:00, në varrezat e Sharrës.

Në mesazhin e publikuar, Hoxha shkruan se e ëma ia kushtoi jetën lirisë dhe ndërtimit të Shqipërisë, ndërsa shton se për këtë arsye kujtimi i saj do të mbetet i paharruar për familjen.

“Të nderuar miq e dashamires të familjes të Enver Hoxhes. Me hidhërim të thellë ju bej me dije, se sot më datë 26 shkurt 2020, në moshen 99-vjeçare u nda nga jeta nëna jonë, Nexhmije Hoxha. Ajo gjithë jetën e saj ia kushtoi lirisë së Atdheut dhe ndertimit të Shqiperisë së re, perparimit dhe emancipimit të shoqërisë shqiptare, ndaj dhe ne do të ndjehemi perhere krenarë për emrin dhe veprën e saj. Kujtimi i saj gjithmonë do të mbetet i paharruar për familjen tonë dhe të gjithë miqtë dhe dashamirësit e saj, në Shqiperi dhe kudo në botë. Me respekt Ilir Hoxha Tiranë 26 shkurt 2020

Shënim: Homazhet dhe përcjellja për në varrezat e Sharrës do të behet nga Funeral Home Alba 2000 (prane Medresesë) nga ora 9 deri 12 të datës 27 shkurt Në ditët pas varrimit, presim për ngushëllime në shtëpine tonë, në Laprakë (pranë sheshit Shqiponja). Jeni të mirëpritur. Faleminderit”, shkruan Ilir Hoxha.