Nënkryetari i LSI, Petrit Vasili mendon se puna e opozitës së bashkuar deri tani ka qenë e shkëlqyer.
Gjatë intervistës për “Quo Vadis” në “Vizion Plus”, Vasili veçoi aferat e denoncuara nga opozita.
Sipas tij, fronti opozitar ka frymëzuar protestat e qytetarëve.
“Opozita ka inspiruar një vullnet të madh popullor të cilën e ka demostruar edhe në takime të mëdha, në mitingje të medha. Ka bërë detyrën e saj në mënyrë të shkëlyer, ku sot nuk besoj se ka shqiptar që nuk e di cilët janë batakxhinjtë që e qeverisin. Ndrangheta i vuri kapakun. Nuk ka nevoj për fjalë të bukura, as për slogane, por ka nevojë që t’i japi publikut fakte pa fund, të cilat bëhen në mënyrë të shkëlqyer nga LSI, bëhen në mënyrë të shkëlqyer edhe nga Partia Demokratike në mënyrë të vecantë, që ka denoncuar afera pa fund. Dhe për të thënë, të kuptojnë që këta janë shpërdoruesit më të tëmërrshëm të pushtetit dhe të rrënuesit e shtetit ligjor.”
