Kryetarja e LSI, Monika Kryemadhi refuzon të vërë maskën. Ndonëse një ditë më parë ajo mori një gjobë, sot doli sërish në terren për të takuar banorët e prekur nga tërmeti pa maskë.
Takimi u ndërpre nga efektivë të policisë, të cilët shkuan për të gjobitur Kryemadhin dhe ata që e shoqëronin kryetaren e LSI. Gjoba për ta ishte nga tre mijë lekë.
“Jeta e këtyre zotërinjve kushton më shumë. Unë jam Monika Kryemadhi vëlla, e bija e Ramazan Kryemadhit. 30 mijë lekshi jot edhe i Edi Ramës nuk është asgjë para jetës së këtyre qytetarëve”, replikoi Kryemadhi me policët.
Në momentin që ju kërkua të firmoste fletën e gjobës, Monika Kryemadhi shkroi këtë mesazh për kryeministrin Edi Rama: Do t’ja çjerrim maskën Edi Ramës me datë 25 prill. Shqipëria, shtëpia e shqiptarëve.
