Ulet dënimi, Diddy do të lirohet më herët nga burgu
Sean ‘Diddy’ Combs pritet të lirohet nga burgu më herët se sa ishte planifikuar më parë, pasi data e lirimit të tij është shtyrë për më 25 prill 2028, në vend të 4 qershorit 2028, sipas Federal Bureau of Prisons.
Ky zhvillim vjen pasi producenti muzikor u pranuar në një program intensiv për largimin nga substancat në nëntor 2025, gjë që ndihmoi në uljen e dënimit të tij. Një përfaqësues i tij deklaroi se ai “ka marrë seriozisht procesin e rehabilitimit që nga fillimi” dhe është “plotësisht i përkushtuar ndaj punës së tij, i fokusuar në zhvillimin personal dhe i angazhuar për ndryshim pozitiv”.
Data e lirimit ishte rishikuar më parë. Në nëntor 2025, dënimi i tij në Federal Correctional Institution Fort Dix u shty nga 8 maj 2028 në 4 qershor 2028 pas shkeljeve të rregullave të burgut.
Sean “Diddy” Combs will be released from prison sooner than he expected. https://t.co/VVtHtwvbnc pic.twitter.com/qj5nUsURo2
Reklamë— E! News (@enews) March 3, 2026
Në dhjetor 2025, Combs depozitoi një apel për lirimin e menjëhershëm dhe për heqjen ose uljen e dënimit të tij. Në dokumentet gjyqësore argumentohej se prokuroria nuk kishte provuar mjaftueshëm çështjen, ndërsa avokati i tij e cilësoi dënimin fillestar si të ashpër dhe anti-kushtetues. Autoritetet e prokurorisë kundërshtuan apelimin në shkurt.
Sean ‘Diddy’ Combs ndodhet në burg që nga shtatori 2024, kur u arrestua për akuza që përfshinin komplot për shantazh, trafikim personash me përdorim force, mashtrim ose detyrim dhe transportim personash për qëllime prostitucioni. Ai u dënua për dy akuza të transportimit të personave për qëllime prostitucioni dhe u shpall i pafajshëm për akuzat e tjera.
/vizionplus.tv
