U kapën pa maskë dhe shkelën orën policore, ndëshkohen 923 qytetarë

923 qytetarë janë gjobitur me gjobë gjatë 24 orëve të fundit, pasi nuk respektuan masat kundër përhapjes së koronavirusit.

913 qytetarë u gjobitën me 3 mijë lekë sepse u konstatuan duke lëvizur pa maskat mbrojtëse.

Po ashtu, janë ndëshkuar me 10.000 lekë secili 9 qytetarë që u konstatuan duke lëvizur në rrugë gjatë orarit të ndalimit të lëvizjes, pa arsye të domosdoshme.

Gjatë kontrolleve të ushtruara në subjekte të ndryshme, uniformat blu evidentuan 1 biznes që ushtronte aktivitetin në kundërshtim me protokollet e sigurisë. Për administratorin e këtij subjekti është vendosur 1.000.000 lekë gjobë.