Një grup personash nga Elbasani dhe Vlora kanë tentuar të mashtrojnë një biznesmen në Tiranë.
Ata janë prezantuar si përfaqësues të një zyrtari të lartë të shtetit, duke u përpjekur t’i merrnin 70 mijë euro.
Pas hetimit të këtij rasti policia ka arrestuar 4 autorët: Xhonatan Xhaferri, Leonard Xhika, Petro Ferzaj dhe Mikel Panxhi. Ndërsa në kërkim janë shpallur dy të tjerë: Florian Gjergji dhe Xhensil Qefa.
40-vjeçari Florian Gjergji, i cili dyshohet se ndodhet në gjermani, besohet të jetë koka e grupit të mashtruesve, i akuzuar edhe më pare për të njëjtën vepër penale.