Trump: Krenar për armëpushimin në Lindjen e Mesme! Komenton sulmin ndaj objekteve bërthamore: Vepruam shpejt, Irani s’kishte kohë të shpëtonte asgjë
Donald Trump tha se ishte “shumë krenar” për Izraelin dhe Iranin që ranë dakord me propozimin e tij për armëpushim.
Duke folur në samitin e NATO-s në Hagë të Holandës, presidenti amerikan u shpreh se armëpushimi po “shkonte shumë mirë”.
Kur u pyet për vlerësimin fillestar nga agjencitë e inteligjencës amerikane se sulmet nuk i kishin shkatërruar plotësisht objektet bërthamore të Iranit, Trump nuk u pajtua, duke thënë se ato ishin shkatërruar në mënyrë efektive.
“I believe it was total obliteration. They didn’t have a chance to get anything out because we acted fast”
ReklamëDonald Trump has says he is “very proud” of Israel and Iran for agreeing to a ceasefire. pic.twitter.com/Ou0lIdmcpw
— Sky News (@SkyNews) June 25, 2025
Edhe pse fillimisht pranoi se informacioni që SHBA-të kanë deri më tani është shumë i paqartë dhe se Izraeli do të jetë ai që do të zbulojë shkallën e saktë të dëmit, më vonë ai foli për asgjësim të plotë.
“Mendoj se ishte asgjësim i plotë, mendoj se ata nuk kishin kohë të shpëtonin asgjë sepse ne vepruam shpejt. Është shumë e vështirë dhe e rrezikshme të hiqet ai lloj materiali”, shtoi ai.
Presidenti amerikan u pyet gjithashtu për kërcënimet iraniane për të vazhduar pasurimin e uraniumit dhe u përgjigj: “Gjëja e fundit që ata duan të bëjnë tani është të pasurojnë diçka. Ata duan të riorganizohen. Ne nuk do ta lejojmë këtë të ndodhë.”/vizionplus.tv
