Presidenti i Shteteve të Bashkuara, Donald Trump, ka paralajmëruar se mund të mos e zgjasë armëpushimin me Iranin, nëse deri të mërkurën nuk arrihet një marrëveshje afatgjatë për përfundimin e konfliktit.
Duke folur për gazetarët në bordin e avionit presidencial, gjatë kthimit nga Phoenix drejt Uashingtonit, Trump u shpreh se situata mbetet e pasigurt dhe se vendimet e ardhshme do të varen nga zhvillimet diplomatike në ditët në vijim.
“Është e mundur që të mos e zgjasim armëpushimin, por bllokada do të mbetet në fuqi”, tha ai, duke iu referuar kufizimeve në portet iraniane.
Ai shtoi gjithashtu se, në rast se nuk arrihet një marrëveshje konkrete, veprimet ushtarake mund të rifillojnë.
“Ekziston një bllokadë dhe, për fat të keq, mund të na duhet të fillojmë sërish bombardimet”, deklaroi presidenti amerikan.
