Tronditet futbolli iranian, lojtarja 27-vjeçare vritet gjatë protestave
Zahra Azadpour, 27-vjeçare dhe futbolliste në Ligën e Femrave të Teheranit, u vra nga forcat e sigurisë të Republikës Islamike, gjatë protestave në qytetin Karaj, në pjesën perëndimore të kryeqytetit iranian.
Azadpour ishte e njohur për kontributin e saj në ekipin ‘Mehregan Pardis’ të Teheranit, ndërsa më parë kishte luajtur edhe për ekipet ‘Azarakhsh’ dhe ‘Saba’.
Ajo gjithashtu ishte pjesë e kampit stërvitor të përfaqësueses së femrave të Iranit.
Say her name: Zahra Azadpour ????
Zahra Azadpour, a football player on the Mehrkam Pardis women’s team, was killed during the Karaj protests on January 9.
Born on September 29, 1998, her family found her body three days later. She was laid to rest in Eslamshahr.
Remember her name. pic.twitter.com/r8e2Ghd3sZ— Nick Sotoudeh (@NickSotoudeh) January 24, 2026
Përveç futbollit, Azadpour ishte edhe alpiniste me përvojë, duke ngjitur maja të njohura si Damavand dhe Spilet.
Sipas gazetarit sportiv iranian Mojtaba Pourbahs, trupi i saj iu dorëzua familjes tre ditë pas vdekjes, dhe varrimi u zhvillua në qytetin Islamshahr, vendlindjen e saj.
Në Iran, për shumë gra futbolliste dhe sportiste, angazhimi në sport shihet si një formë rezistence ndaj sistemit të kufizimeve gjinore.
Sporti femëror në vend përballet me rregulla strikte, duke përfshirë përdorimin e detyrueshëm të hixhabit gjatë stërvitjeve dhe ndeshjeve.
Në të njëjtën kohë, sportet e grave nuk financohen sa duhet.
Shumë ekipe nuk kanë infrastrukturë bazë, mbështetje mjekësore dhe paga të qëndrueshme, duke i detyruar atletet të mbulojnë vetë kostot e pjesëmarrjes.
