Tre ditë pas ekzekutimit të Gilmando Danit, gjendet arsenal armësh në Nikël

Policia ka zbuluar një arsenal armësh në Nikël të Fushë-Krujës gjatë kontrolleve të zhvilluara lidhur me atentatin e dy ditëve më parë pranë Aeroportit të Rinasit, ku mbeti i vrarë Gilmando Dani dhe u plagos Muçi Shaliani, i njohur si Sheqeri.

Sipas raportimit të gazetarit të Vizion Plus, Esido Barkaj, dyshohet se armët i përkisnin një personi që ka ndihmuar autorët e atentatit të Rinasit. Një nga individët që dyshohet se ka pasur në posedim arsenalin është identifikuar dhe tashmë është shpallur në kërkim.

Hetimet për zbardhjen e plotë të ngjarjes dhe gjetjen e autorëve vijojnë intensivisht.