Ideal Gola kryeredaktor i Agjencisë së Lajmeve, Kosova Press ka dhënë detaje lidhur me ngjarjen e ndodhur mbrëmjne e djeshme në Kosovë ku një autobus u sulmua me armë zjarri, duke lënë tre persona të vrarë.
Në një lidhje me “Skypë”, në studion e lajmeve në Vizion Plus, Gola theksoi se është hedhur poshte ideja e një akti terrorist. Ai tha se dyshohet që shkak për këtë ngjarje mund të jetë bërë një konflikt që ka pasur drejturi i autobusit, megjithatë kjo nuk është konfirmuar nga policia.
“Është hedhur poshtë ideja e aktit terrorist. Dyshohet te një konflikt që mund të ketë pasur drejtuesi i autobusit, por kjo nuk konfirmohet nga policia. Familjarët e shoferit të autobusit e kanë mohuar që ai të këtë pasur ndonjë problem. Edhe familjaërt e e dy nxënësve mohojnë të kenë pasur konflikte”, u shpreh Gola.
Më tej ai tha se për të zbuluar shkaqet dhe ngajrjes duhet të merret parasysh edhe situata politike që po kalon Kosova.
“Mund të ketë qëllime të tjera, por policia mohon këto gjera dhe duhet të merret parasysh edhe situata politike të cilën po kalojmë”, tha Gola.
