Tragjedi në brigjet greke/ Mbytet anija, raportohet për 59 viktima

Një anije me mbi 400 emigrantë dyshohet se është përmbytur. Sipas mediave greke, numri i emigrantëve që ndodheshin në bord mbetet ende i pakonfirmuar,  por dyshohet të jetë afrësisht mbi 400.

Numri i viktimave të identifikuara janë 59. Anija është përmbytur në brigjet e Pylos në Greqi.

104 emigrantë janë shpëtuar, ndërsa kërkimet po vazhdojnë. Emigrantët e shpëtuar pritet të mbërrijnë në portin e Kalamatës, ku aktualisht po zhvillohet një operacion i madh për përgatitjen e zonës për t’i pritur.