Në Gjermani kane nisur përgatitjet për festen e krishtlindjeve. Në një nga tregjet më të famshme të Krishtlindjeve në qytetin e vjetër historik të Dresdenit, banorët vendas përgatisin çdo vit një tortë të madhe si pjesë e Festivalit të “Stollen”.
Këtë here torta e krishtlindjes peshon rreth 4 ton, e thënë ndryshe 3950 kilogramë, dhe është 4,1 metra e gjatë, 1,77 metra e gjerë dhe 87 centimetra e larte. Ajo e vitit të kaluar peshonte 100 kg më pak se torta e këtij viti.
Sipas ritit mijëra qytetarë e shoqërojnë tortën gjigante nëpër qytetin e vjetër historik të Dresdenit.
Pas ceremonisë në tregun Striezel, torta më pas u pre në mijëra pjesë të vogla dhe paratë e mbledhura nga shpërndarja e saj shkojnë për fëmijët e sëmurë.
Kjo traditë vijon që nga viti 1994 në qytetin Dresden. Torta gjigante përgatitet çdo vit nën drejtimin e Shoqatës së Konservimit të Dresden Stollen.
