Një furgon i Drejtorisë së Burgjeve është përplasur me një makinë, teksa transportonte tre të burgosur. Aksidenti është shënuar në fshatin Qesarat, në aksin Tepelenë-Mallakastër.
Si rezultat i përplasjes, një polic ka mbetur i plagosur, ndërsa të burgosurit nuk kanë pësuar lëndime.
Efektivi i policisë është dërguar për në spitalin e Gjirokastrës, jashtë rrezikut për jetën.
Nuk dihet ende identiteti i të burgosurve që ishin brenda në furgon.
Nderkohë, grupi hetimor ka shkuar në vendngjarje për të zbardhur shkaqet e këtij aksidenti.