Si president i Këshillit të Sigurimit në Kombet e Bashkuara, Ministri i Jashtëm Igli Hasani drejtoi diskutimet mbi përshkallëzimin e fundit ushtarak mes Azerbajxhanit dhe Armenisë për kontrollin e rajonin separatist të Nagorno-Karabakut.
I njohur ndërkombëtarisht si pjesë e Azerbajxhanit, ai mbetet burimi konflikti mes armenëve etnikë dhe azerëve prej dekadash. Edhe pse mes Azerbajxhanit dhe Armenisë ekziston një marrëveshje paqeje për përcaktimin e kufirit, konfliktet e herë pas here të armatosura nuk janë ndalur. Së fundmi ishte ai disa ditëve më parë, ku nga të dyja vendet u fol për viktima, të plagosur dhe për vendosje trupash ushtarake në kufi.
Në fjalën e tij shefi i diplomacisë shqiptare vlerësoi vendosjen e armëpushimit mes dy vendeve fqinje në funksion të mbrojtjes së jetës së banorëve aty.
IGLI HASANI
MINISTER I JASHTEM
Pavarësisht se sa komplekse mund të jenë problemet dhe sa rëndë peshon trashëgimia e armiqësisë 30 vjeçare, konfrontimi ushtarak nuk është zgjidhja. Ne bëjmë thirrje për përmbajtje, qetësi, paqe dhe dialog. Të drejtat e armenëve etnikë që jetojnë në Azerbajxhan duhet të respektohen, në përputhje të plotë me ligjin kombëtar dhe ndërkombëtar.
Respektimi dhe fuqizimi i komuniteteve dhe pakicave etnike tha Igli Hasani në tryezën e Këshillit të Sigurimit i shërbejnë vendosjes së marrëdhënieve të mira mes Azerbajxhanit dhe Armenisë, përfaqësuesit e të cilëve do të ulen në një tryezë për të diskutuar mbi konfliktin e fundit të ndodhur në rajonin e Nagorno-Karabakut.