Mesfushori i Partizanit, Bruno Telushi deklaroi se titulli kamion nuk ishte objektiv I të kuqëve në fillim të sezonit.

 

I ftuar në emisionin “Kampionët”, në Vizion Plus, Telushi deklaroi para moderatorit Andi Nuraj se ekipi filloi ta vendoste si objektiv titullin vetëm pas javës së 10-të të kampionatit.

 

“Titulli kampion nuk ishte objektiv. Kjo ka bërë dhe mirë për grupi, pasi nuk ishte ai presioni: ‘O kampion o s’ka’. Pas javës së 10-të grupi filloi ta kuptonte se titulli ishte i mundshëm”.

 

Telushi foli më pas edhe sa I takon marrëdhënies mes tranjerit Gega dhe lojtarëve.

 

“Mbaj mend kur ishin në fazë përgatitore në Ohër, ai nuk filloi menjëherë ta na bënte stërvitjen, por organizoi disa mbledhje tek e tek. Pyeti çdo lojtar për vështirësitë që kishte pasur në sezonin e kaluar, unë i tregova për problemet që hasa me fizikun, pata shumë dëmtime. Ai diti si të fliste me lojtarët, na kuptoi çfarë karakteresh kishim. Me disa sillej sikur e kishte shok, me disa të tjerë sikur i kishte fëmijë”.

 

Ai tha gjithashtu se presidenti Demi ua ka lënë në dorë lojtarëve që të vendosin premion për fitimin e kampionatit.

 

“Jemi ulur me presidentin dhe na ka thënë: Djema mendojeni vetë shifrën e premios. Gjithsesi ne lojtarët ende nuk jemi mbledhur që të vendosim për këtë gjë”.

 

Telushi komentoi edhe situatën e vështirë të Tiranës dhe dhështimet e njëpasnjëshme në derbi përballë Partizantit. Sipas Telushit, bardheblutë I thurën elozhe të pamerituara vetes në fillim të sezonit dhe kjo gjë ka bërë që presioni në radhët e tyre të rritet dhe të futë ekipin në krizë.

 

“Normalisht që kjo ndikon. Me kaq shumë kohë sa ka Tirana pa fituar, shtohet presioni pasi kërkon medoemos fitoren. Dihet që presioni i tepërt të bën keq në ekip. Unë mendoj se Tirana gabimin e ka bërë që në fillim. U frynë shumë, me foto etj. . E kam provuar vetë te Flamurtari në 2015-ën. Ekip me emra shumë, por 0. Edhe Partizanin në sezoni e shkuar. Futbolli i sotëm duhet të kesh një grup shumë të fortë që të arrish te suksesi. Vetëm Mesi dhe Ronaldo janë të aftë të marrin ekipet përdore”.

 

I pyetur nga drejtuesi i emisionit, në lidhje me banderolën “Kampion me VKM” të bërë nga tifozët e Tiranës, Telushi tha se Partizani e ka treguar çdo gjë në fushë dhe se titullin e ka fituar me meritë.

 

“Ne e kemi treguar në fushë që kemi marrë çdo gjë me meritë. Olsi Rama ka qenë një ndër personat që gjithmonë më ka udhëzuar të jem i qetë me arbitrat në çdo rast. Mbaj mend gjatë derbit, tifozët e Tiranës se ç’kishin një shprehje për Erion Braçen dhe tifozët në krahun e Partizanit filluan të acarohen dhe shajnë, Olsi ishte i pari që u ngrit dhe filloi të qetësonte tifozët”.

Leave a Reply

Your email address will not be published.