I dërguari i Britanisë së Madhe për ballkanin perëndimor, Stuart Peach është takuar sot në Prishtinë me presidenten Vjosa Osmani dhe të tjerë zyrtarë të lartë.
Kryetarja e shtetit ka theksuar edhe njëherë përkushtimin e Kosovës ndaj dialogut, duke nënvizuar se ky proces duhet t’i trajtojë palët në mënyrë të barabartë.
Presidentja Osmani gjithashtu e konsideron jo serioz angazhimin e Serbisë, pasi nuk i ka zbatuar marrëveshjet e nënshkruara mes palëve.
Nga ana tjetër, diplomati britanik ka shprehur mbështetjen për vazhdimin e dialogut me ndërmjetësimin e bashkimit evropian.