“Të jemi në një zë me Kosovën”/ Begaj kërkon ndihmën e homologëve të rajonit

Gjatë punimeve të forumit të prespës të mbajtur në Ohër, presidenti Bajram Begaj pati takime me tre homologët e tij, të Kroacisë, Malit të Zi dhe Maqedonisë së Veriut.

Bisedimet mes krerëve të katër shteteve u përqendruan te situata në veri të Kosovës dhe tek rrëmbimi i tre policëve nga autoritetet serbe.

Begaj theksoi nevojën për të qenë të bashkuar në ndalimin e provokimeve të ndryshme, që synojnë destabilizimin e Kosovës dhe rajonit të Ballkanit.

Po aq, mes krerëve të shteteve u fol edhe për bashkëpunimin mes vendeve të ballkanit perëndimor, për të ruajtur paqen dhe për të përballuar pasojat e luftës në Ukrainë.