Një ditë pasi në Britani u mbajt parada tradicionale për ditëlindjen e Mbretit, që shënoi edhe herën e parë që Princesha e Uellsit u shfaq publikisht që kur u diagnostikua me kancer të dielën Princi George, Princesha Charlotte dhe Princi Louis kanë postuar mesazhin e tyre të parë në rrjetet sociale me një fotografi të bërë nga Princesha Kate.
Në foton e publikuar në “X” shfaqet Princin William dhe tre fëmijët e tij. “Të duam babi! Gëzuar ditën e baballarëve”, shkruhet krahas fotos.
Kujtojmë se në muajin Mars të këtij viti, Princesha e Uellsit Kate Middleton i tronditi të gjithë kur zbuloi se po përballej me kancerin. Teksa ajo po i nënshtrohet kimioterapisë dhe është totalisht e fokusuar në shëndetin e saj, nuk kanë munguar as fotot e ëmbla me 3 vogëlushët në rrjetet sociale.
Edhe Mbreti Charles, 75 vjeç, është nën kujdes mjekësor pasi vuan nga kanceri dhe së fundmi ka pakësuar detyrat e tij publike.
Si pjesë e një prej veçorive e shumta të familjes mbretërore britanike, e shtuna nuk është ditëlindja e vërtetë e mbretit, ai ka lindur në nëntor. Ashtu si nëna e tij, Mbretëresha Elizabeth II, mbreti Charles feston një ditëlindje zyrtare të shtunën e dytë të qershorit.
Data u zgjodh sepse moti në përgjithësi është i mirë, megjithëse këtë të shtunë dielli i la vendin një dite të zymtë dhe me shi në Londër.
