Kalifornia u godit rëndë nga stuhi të fuqishme shiu gjatë Krishtlindjeve, duke shkaktuar përmbytje, rrëshqitje dheu dhe dëme të mëdha infrastrukturore në shumë zona të shtetit. Sipas autoriteteve lokale, të paktën tre persona humbën jetën, ndërsa stuhitë pritej të vazhdonin edhe në ditët në vijim. Në disa pjesë të Qarkut të Los Anxhelosit ranë deri në 27 centimetra shi, çka detyroi autoritetet të shpallnin gjendje emergjence dhe të urdhëronin evakuime.
Shirat e rrëmbyeshëm dhe erërat e forta shkaktuan mbylljen e rrugëve kryesore, ndërprerje të energjisë elektrike për rreth 100 mijë banorë dhe dhjetëra operacione shpëtimi. Shërbimet emergjente ndërhynë për të nxjerrë persona të bllokuar në automjete nga ujërat e përmbytjeve, ndërsa paralajmërime për përmbytje të menjëhershme u lëshuan në disa zona, përfshirë Gjirin e San Franciskos. Në Bay Area, shpejtësia e erës arriti mbi 160 km/h.
Severe flooding in Southern California shut down major highways, including I-15, leaving holiday travelers stuck for miles as floodwaters and mud overtake roads and bridges. . pic.twitter.com/LrTEHF6Pno
— AccuWeather (@accuweather) December 25, 2025
Autoritetet konfirmuan disa viktima si pasojë e motit ekstrem: një 64-vjeçar humbi jetën pasi u godit nga një pemë e rrëzuar në San Diego; një 74-vjeçar vdiq në Redding pasi u përfshi nga ujërat e përmbytjes brenda automjetit; ndërsa një grua në të 70-at u mor nga dallgët e fuqishme në një park shtetëror në Mendocino County. Ndërkohë, paralajmërime për evakuim u dhanë edhe në zonat malore si Wrightwood, ku rrëshqitjet e dheut bllokuan rrugë dhe izoluan banorë.
Sipas parashikimeve meteorologjike, gjatë javës priten reshje shtesë prej 10 deri në 20 centimetra shi në shumë zona të Kalifornisë, mbi mesataren normale sezonale. Në rajonet malore dhe në Sierra Nevada parashikohen gjithashtu reshje të dendura dëbore dhe rrezik i lartë për ortekë. Autoritetet u kanë bërë thirrje qytetarëve të tregojnë kujdes maksimal dhe të ndjekin udhëzimet e emergjencës.
/vizionplus.tv
Wrightwood, California is seeing MASIVE debris flows.
Hwy 2 is completely blocked pic.twitter.com/1aWwxDJfmZ
— Kevin Dalton (@TheKevinDalton) December 24, 2025
