Nënshkrimi i një memorandumi mes Prokurorisë së Posaçme, SPAK dhe Agjencisë Kombëtare Britanike kundër Krimit, NCA do tu thjeshtojë të dyja vendeve qasjen e luftës kundër korrpsionit e krimit të organizuar.
Marrëveshja garanton shkëmbimin e përshpejtuar të infomacioneve në fushën e drejtësisë ndërsa për strukturat hetimore shqiptare është e para herë që NCA-ja Britanike të nënshkruajë një memorandum të tillë.
Kreu i SPAK Altin Dumani priti ambasadorin britanik Alastair King Smith, ndërsa me Drejtorin e Përgjithshëm të Agjencisë Kombëtare kundër Krimit, Graeme Biggar nënshkroi dokumentin.
“Qëllimi kryesor i këtij memorandumi është të institucionalizojë partneritetin e suksesshëm tashmë të vendosur midis SPAK dhe NCA, në përpjekjen e përbashkët për të luftuar krimin e organizuar, pastrimin e parave dhe korrupsionin e zyrtarëve të lartë publik. Bashkëpunimi i ngushtë midis tyre do të sjellë rezultate konkrete në goditjen e disa prej veprimtarive më të rëndësishme të grupeve kriminale shqiptare në Mbretërinë e Bashkuar dhe në Shqipëri, kryesisht në trafikun e narkotikëve, trafikimin e qenieve njerëzore dhe trafikimin e armëve të zjarrit.”
Prej kohësh në Britani grupe të cajtuara shqiptarësh janë kthyer në një shqetësim serioz, jo vetëm për emigracionin e paligjshëm, por edhe për narkotrafikun përmes shtëpive të barit apo fermave te kanabisit.
Mediat vendase pohojnë se shumë shqiptarë rrezikojnë jetën e tyre vetëm për tu bërë pjesë e këtij aktiviteti të paligjshëm./vizionplus.tv
