Vijon të mbetet e tensionuar situata në Lindjen e Mesme, ku përgjatë 72 orëve të fundit Irani dhe Izraeli po vijojnë të godasin njëra-tjerën me raketa.
Pak më herët mediat ndërkombëtare raportojnë se kanë rënë sirenat e alarmit në disa qytete të Izraelit, pasi mendohet se autoritet kanë zbuluar një sulm të mundshëm me raketa nga Irani.
Sipas raportimeve, një sulm është i pashmangshëm, ndërsa pak më herët u tha se Izraeli ka zbuluar përgatitje për lëshime balistike nga Irani.
Sulmet pritet të vijnë si një kundërpërgjigje ndaj goditjeve të kryera nga ushtria izraelite gjatë gjithë ditës së sotme në Iran, ku mes objektivave ishte një bazë ushtarake në periferi të Teheranit si dhe selia e televizionit shtetëror iranian.
Thuhet se Irani ka lëshuar të paktën 15 raketa, por deri në këto momente nuk ka të dhëna nëse kanë arritur mbi hapësirën ajrore izraelite.
