Në orët e para të mëngjesit të së shtunës në kryeqytetin e Venezuelës, Karakas, janë dëgjuar sirena të alarmit ajror dhe shpërthime të fuqishme.
Sipas informacioneve paraprake, një nga objektet e goditura dyshohet të jetë Fortesa Tiuna, e vendosur në pjesën jugore të qytetit. Ky kompleks përbën qendrën kryesore ushtarake të Venezuelës dhe strehon, ndër të tjera, Ministrinë e Mbrojtjes dhe Akademinë Ushtarake. Si pasojë e bombardimeve, raportohet edhe për ndërprerje të energjisë elektrike në zonë.
Lexo edhe :
Shpërthimi i parë u regjistrua rreth orës 01:50 të mëngjesit, sipas orës lokale.
“Një nga shpërthimet ishte aq i fuqishëm, saqë dritarja ime u drodh”, deklaroi një korrespondente e CNN. Pamje të publikuara në rrjetet sociale tregojnë gjithashtu helikopterë ushtarakë duke fluturuar mbi Karakas.
🚨🚨
The U.S. is attacking targets in Caracas Venezuela.
🛑 Reportedly, Dozens of US helicopters are dropping American paratroopers in the area
UPDATE: 🚨WAR IN VENEZUELA! pic.twitter.com/IFe9m3DUII
— Shiri_Sabra (@sabra_the) January 3, 2026
Deri në këto momente, nuk ka asnjë reagim zyrtar nga autoritetet amerikane apo ato venezueliane lidhur me ngjarjen.
Gjatë javëve të fundit, presidenti i SHBA-së, Donald Trump, kishte lënë të hapur mundësinë e një ndërhyrjeje ushtarake kundër Venezuelës, në kuadër të akuzave për trafik droge. Në tetor, Trump deklaroi se kishte autorizuar CIA-n të vepronte brenda Venezuelës për të frenuar emigracionin e paligjshëm dhe trafikun e narkotikëve.
Nga ana tjetër, presidenti venezuelian Nikolas Maduro ka hedhur poshtë këto akuza, duke deklaruar se qeveria e tij nuk mbështet tregtinë globale të drogës.
/vizionplus.tv
